ليش أختفت بعد الموعد ؟ الأختبار الي أغلب الرجال يفشلون فيه

طلعت معاها موعد وكان كل شيء تمام. ضحك، كيمستري، كل شيء ماشي صح. من قوة سعادتك حتى الأرض ما توسعك. ودك تقول حق العالم كلهم شكثر هالبنت مختلفة.

اليوم اللي بعده ترسل لها.

ما في رد.

تنتظر ساعة. ترسل ثاني. برضو ما في رد.

تبدأ الأفكار تاكلك من داخل: تركتني؟ صار لها شيء؟ قلت شيء غلط أمس؟ ليش ما ترد؟

وأنت في هالحالة اللي ما عرفته إن هذا اختبار. وللأسف؟ فشلت فيه.

هي بعد ما طلعتوا وشافت إنك مبسوط ومستانس كانت مجهزة هالحركة من قبل. تختفي اليوم اللي بعده لساعات طويلة. ما ترد على رسائلك ولا على اتصالك.

ليش؟

مو لأنها ما تبغيك. بالعكس هي تبغي تعرف شيء واحد: وش مكانها عندك فعلياً؟

لما تنسحب وتشوفك توترت وبديت ترسل وراها هي الحين عرفت إنها وصلت بداخلك بشكل عميق. وهذا بالضبط اللي كانت تبغي تتأكد منه.

تعلمنا طول عمرنا إن المرأة عاطفية والرجل عقلاني. تجاربي علمتني العكس تماماً. الرجل عاطفي. والمرأة عقلانية أكثر مما تتخيل.

أنوثة المرأة تذوب الرجل. كلمة حلوة ما عمره سمعها، دلع بسيط، أحياناً حتى مجرد نظرة وبوم، الرجل طايح على وجهه. بعض البنات حتى ما تبذل مجهود بس بالنظرات وتشوفه ذايب. وهي تعرف هالشيء وتستخدمه.

أنا كنت مثلك. مريت بنفس الموقف وارتكبت نفس الأخطاء. الفرق إني تعلمت منها. تعال أقولك وش المفروض تسوي:

أول شيء: لا ترسل أكثر من رسالة وحدة. رسلت ولا ردت؟ خلاص. حط الجوال وانسى الموضوع. كل رسالة زيادة ترسلها تقول لها: "أنا محتاجك أكثر منك."

ثاني شيء: عيش حياتك بشكل طبيعي. روح مشوارك، اشتغل، مارس رياضتك. لا توقف حياتك عشانها. الرجل اللي حياته واقفة على رد بنت هذا رجل بيخسره احترامها حتى لو تحبه.

ثالث شيء: لما ترد وراح ترد لا تعاتب ولا تسأل "وين كنتي." تعامل عادي وطبيعي. كأن شيء ما صار. هالردة فعل بالذات هي اللي تخليها تحترمك لأنها تقول لها إنك واثق من نفسك وما تنهار بسهولة.

رابع شيء: أفهم القاعدة هذي وأحفظها. هي ما تبغي رجل يركض وراها. هي تبغي رجل لو اختفت ما ينهار. الأمان اللي تدوّره المرأة مو في الرجل اللي يلاحقها — في الرجل اللي واثق من قيمته حتى لو هي بعدت.

مو كل وحدة تختفي عشان تختبرك. في بنات تسوي هالحركة مو عشان مهتمة فيك بس عشان تغذي نفسها بالاهتمام. تبغي تحس إنها مطلوبة. تجرب معك ومع غيرك بنفس الوقت. عادي يكون عندها أكثر من شخص تختار بينهم.

وبعض البنات يقولون لك "نبغي الرجل يطارد." خلني أقولك شيء هذا الكلام غير حقيقي وغير واقعي. تجاربي واستشاراتي أثبتت إن العكس هو الصحيح: ما تطارد وما تعطي شخص فوق قيمته.

اللي يعمل معاك اختبارات من الأساس هذا شخص داخل يلعب في مشاعرك. فليش تتعب نفسيتك وطاقتك عليه؟ وبكرة لما تطارد وراها وما تعطيك اهتمام لأنها حصلت اللي تبغيه: رفعت قيمتها على حسابك.

لكن كل هذا ما يهمك. المهم هو ثباتك وقوتك وإنك ما تنزل من قيمتك وتروح تطارد.

لو تركت عاطفتك تقودك بدل عقلك راح تخسر قوتك وشخصيتك قدامها. ولو قدرت تمسك أعصابك وتتصرف صح راح تخليها تحترمك وتقدرك بشكل ما تتخيله. وأحياناً؟ لو اتبعت الخطوات هذي وهي برضو اختفت يبقى أفضل لك بمراحل من إنك تخسر نفسك وراها.

الرجل القوي مو اللي ما يحس. الرجل القوي هو اللي يحس ويعرف كيف يتصرف.

لو تمر بموقف زي كذا أو أي موقف في علاقتك وتبغي أحد يساعدك تفهمه رابط الاستشارة هنا.